Mohamed Salah edhe pse ka pasur një sezon të shkëlqyer vitin që kalojë, duke ndihmuar skuadrën e tij të ngjitet deri ne finalen e madhe të Champions Leagues, nuk mori asnjë çmim nga UEFA mbrëmjen e djeshme.

Megjithatë Salah ndihet i motivuar dhe ka deklaruar se do të vazhdojë të bëjë akoma më mirë.

“Kur bën diçka për herë të parë, që askush nuk e ka bërë si egjiptian më herët, diçka madhështore, është diçka për të cilën duhet të jem krenar. Janë 100 milionë egjiptianë që më marrin shembull mua. Kjo është diçka për të cilën duhet të krenohem”, tha Salah.

“Nganjëherë e ndien presionin për shkak të kësaj, por në të njëjtën kohë të bën të punosh më fuqishëm dhe më mirë”, theksoi ai.