Guido Pohlmächer është shtetas gjerman që ka treguar dashuri të madhe për Shqipërinë. 37-vjeçari u dashurua me vendin tonë pas miqësisë me familjen Hoti nga Rugova e Hasit, e cila jeton në Gjermani. Ai ka gjetur një mënyrë unike për ta shprehur këtë dashuri. Në njërën faqe ka bërë tatuazh shqiponjën dykrenare, por së fundmi në ballë ka stampuar përgjithmonë simbolin e famshëm me dy duar. 37-vjeçari ka deklaruar se miqësia me shqiptarët do të jetë e përjetshme, veçanërisht pas vizitës së realizuar në Kosovë tek familja Hoti, ku është habitur me traditën dhe mikpritjen e popullit tonë.