Justin Bieber dhe Selena Gomez thjesht nuk mund të shqiten dot nga njëri-tjetri. Ata do të jenë në betejë edhe një herë, por kësaj radhe nuk bëhet fjalë për një debat Instagrami. Dyshja e adhuruar e botës së spektaklit do të jetë në garë për çmimin “Artisti i Vitit” në American Music Awards që do të mbahet më 20 nëntor në Los Angeles. Në këtë event do të jetë edhe shfaqja e parë publike për Selena që kur ajo u fut në rehabilitim gjatë verës. Për sa i përket nominimeve, ishin fansat ata që votuan për javë të tëra deri sa mbërritën në 5 nominimet finale. Emrat e tjerë në garë në këtë kategori janë Ariana Grande, Rihanna dhe Carrie Underëood, ndërkohë që eventi do të moderohet nga Gigi Hadid dhe Jay Pharaoah.