Ende s’ka përfunduar. Të tjera arrestime të bujshme paralajmërohen nga Donika Prela, në daljen e saj përballë medias ku zbardhi detaje për arrestimet e fundit nga 12 aksionet e policisë së shtetit. Janë angazhuar plot 1500 trupa policore në aksione, ndërsa arrestimet e tjera priten nga bashkitë, universitet etj.
Donika Prela:
“Nga hetimet ka të dhëna për veprime të kundraligjshme për korrupsion në disa institucione shtetërore, në bashki,në prefektura, në polici, në gjykata, në prokurori, në universitete dhe në organet e pushtetit vendor, për të cilat po vijojnë hetimet në mënyrë intensive. Së shpejti nga ana jonë do të dilet në të dhëna konkrete bazuar në hetimet e thelluara”.