Para disa muajsh doli lajmi se Dafina Zeqiri dhe Tayna kanë prishur shoqërinë mes tyre.Në rrjete sociale nuk munguan thumbat për njëra tjetrën gjë që konfirmoi se ato i kanë dhënë fund shoqërisë së tyre.

Kurse së fundmi duket se sërish Dafina ka hedhur një thumb drejt ish-mikes së saj, e cila ka ndarë një postim në Instastory, ku flitet rreth ‘diss-it’ që Eminem i ka bërë 6ix9ine.

“Eminem përgjithmonë! Kur dështakët u bëjnë diss idhujve të tyre!“ shkroi Dafina krahas postimit të bërë.

Ky postim u interpretua si një thumb i Dafinës ndaj Taynës, mirëpo siç duket kjo e fundit s’ka qëndruar duarkryq.

Reperja ka publikuar një shprehje e cila shkruan:

“Nuk mund të konkurrosh me mua, unë dua që ti gjithashtu të fitosh.”

Sikur mos të mjaftonin këto thumba, vulën muhabetit i ka vendosur fakti që ato kanë hequr njëra-tjetrën nga Instagrami.