Ermal Mamaqi është një ndër moderatorët më të njohur shqiptarë dhe shumë i dashur për publikun. Ai njihet për sarkazmat e tij të shumta, të cilat përveç se në emision, i bën edhe në rrjetet sociale ku jo rrallë herë ngacmon personazhet e njohur publikë.

Pas suksesit që korri me filmin komedi “Dy Gisht Mjaltë”, Ermal Mamaqi nuk ndalet për kollaj. Moderatori do të sjellë një film të dytë dhe tashmë ka nisur përzgjedhja e kastit, ku Elvana Gjata nuk do të jetë pjesë e këtij filmi, për arsye se ajo është zëvendësuar nga aktorja Arjola Demiri.

“Xing.al” ka njoftuar se Arjola Demiri e cila u bë e famshme me rolin e Xhbanes në serialin shumë të ndjekur në Kosovë “O sa mirë”, është përzgjedhur për të qenë pjesë e këtij kastit.

Aktorja ka patur disa role edhe në teatër ku më i spikaturi ishte roli i saj në monodramën “Dashuritë e virgjëreshës Madalenë”, ku shfaqej në një rol mjaft të bujshëm, duke u masturbuar e cila bëri një bujë të madhe në mediat sociale.

Për sa i përket jetës private, ajo ka tre fëmijë dhe është e divorcuar nga babai i tyre.