Prej kohësh në media është komentuar marrëdhënia mes Tunës dhe Nora Istrefi. Dikur shoqe të mira, kunatat kanë pasur shpesh konflikte dhe publike. Arsyet kanë qenë pikërisht keqkuptimet familjare, pasi dhe Robert Berisha e ka deklaruar haptazi mospëlqimin ndaj Tunës.

Por tashmë ndonëse përflitej prej kohësh për raporte jo të mira mes dy ish-kunatave gjatë kohës sa ishin nuse të së njëjtës familje, duket se gjërat nuk janë më ashtu si dikur!

Pasditja e së premtes, i gjeti dy këngëtaret e njohura të skenës, Nora Istrefi dhe Tuna, pas shumë vitesh duke drekuar në një prej restoranteve më luksoze të Prishtinës.Ndërmjetësues i këtij takimi duket të ketë qenë stilisti i përbashkët i tyre, Valdrin Sahiti, i cili ka qenë pjesë e tryezës bashkë me gruan e tij, Edita Ramadani.