Serialet turke janë ndër më të ndjekurat në Shqipëri dhe aktorët e tyre janë kthyer tashmë në personazhe shumë të dashur për ne.

Yjet e serialeve turke, të cilët kanë ditur të vjedhin zemrat e teleshikuesve kudo në botë, por shndërrohen pak nga pak në perandorët e një industrie fitimprurëse që tashmë po depërton kufijtë e vendeve ballkanike, për t’u shtrirë në zemër të Evropës dhe në atë që njihet si ”atdheu” i telenovelave, Amerika Latine dhe Amerika e Jugut.

Por gazeta turke Olay ka zbuluar se në fakt të gjitha janë përshtatje të telenovelave japoneze.

Telenovela "Nënë" ka qenë shumë e ndjekur në Shqipëri, por edhe kjo telenovelë nuk është version origjinal turk, por përshtatje e një telenovele japoneze me të njëjtin titull ashtu si dhe telenovelat që po transmetohen aktualisht në Turqi dhe që kanë arritur shumë sukses, si Kadin (Grua), Kizim (Vajza ime), Bir litre gozyasi (1 litër lot) etj.

Teleshikuesit turk nuk e kanë pritur mirë këtë duke u shprehur të zhgënjyer që kinematografia turke ka humbur origjinalitetin.

Atsushi Sogo, drejtori i kanalit japonez që ka transmetuar këto filma në versionin origjinal është shprehur: "Dy shtete kanë në bazë marrëdhëniet njerëzore, prandaj telenovelat kanë arritur sukses"