Ata ishin një nga çiftet më të përfolur brenda shtëpisë së Big Brother, por edhe jashtë saj. Në shtëpinë e famshme bënë bujë me dashurinë e tyre, por edhe pas përfundimit të spektaklit thashethemet nuk kanë të sosur për dyshen Xheni Mhillaj dhe Benard Marashi. Ishte pikërisht ndarja e dyshes e cila ka bërë që portalet të mbushen me lajme rreth çiftit dhe fansat ishin në dilema për raportin mes Xhenit dhe Benardit.

Ata kanë disa muaj që nuk janë më bashkë pavarësisht thashethemeve, por mesa duket Xheni ka shumë qejf të lëshojë sinjale për ish-in e saj. Pas disa mesazheve të koduara të njëpasnjëshme në instastory, Xheni mesa duket i ka dërguar një tjetër mesazh Benardit. Ajo ka publikuar një foto para pak ditësh në instastory, nga ato që ajo publikon shpesh dhe që thotë: “E imagjinoni se si do të ishte pa këtë distancë në mes?”.

Ok, Xheni jeton në Itali, Benardi në Shqipëri, mos vallë për këtë distancë e ka fjalën?