Kandidatja e LSI-së në qarkun e Fierit ka reaguar për herë të parë rreth rezultateve të zgjedhjeve. Megjithëse Xhixho nuk e ka siguruar deri më tani mandatin në këtë qark, ku renditet e treta, ka falënderuar të gjithë të rinjtë duke e cilësuar miqësinë e fituar në fushatë si fitoren më të madhe.
Statusi i Xhixhos në “Facebook”
Faleminderit nga zemra LRI Fier dhe gjithë të rinjve qarkut Fier, grave, vajzave dhe qytetarëve për çdo shtrëngim duarsh, dashuri, buzëqeshje që më keni dhuruar me gjithë sinqeritetin e një miqësie që fitova falë jush. Kjo është fitorja ime më e madhe. Pavarësisht gjithçkaje unë fitova miqësinë tuaj duke bërë një fushatë me emocion, me shumë dashuri dhe model europian siç unë e dëshiroja. Ne treguam qytetari dhe një politikë ndryshe e cila sapo ka filluar betejën e saj, misioni vazhdon…Do jem gjithmonë aty për Ju
Në qarkun e Fierit ka përfunduar procesi i numërimit të 591 kutive të votimit. Në bazë të këtij numërimi PS fitoi me 57.5% me 104,350 vota ose 10 mandate, e ndjekur nga PD me 46,929 vota ose 4 mandate, LSI me 21,598 vota ose 2 mandate, dhe PDIU me 6,293 vota ose 0 mandate.