Presidenti amerikan, Barack Obama ka thënë se do të jetë ‘ofendim personal’ nëse votuesit me ngjyrë nuk mbështesin Hillary Klintonin në zgjedhjet presidenciale të SHBA-ve.

Gjatë një fjalimi në Kongresin e Fondacionit të njerëzve me ngjyrë, një organizatë që bën hulumtime në çështjet që prekin afrikano-amerikanët, Obama tha që do të ishte ‘ofendim personal i trashëgimisë së tij’ nëse komuniteti me ngjyrë do të votonte për Donald Trumpin apo nëse nuk do të dilnin të votonin, në zgjedhjet e ardhshme.

Siç shkruan “The Independent”, duke iu drejtuar fondacionit për herë të fundit si president, Obama tha, “Nëse dëgjoj dikë duke thënë se vota e tij s’ka rëndësi, apo që s’ka rëndësi se kë e zgjedhim, le të lexojë historinë tonë”.