Pas Hillary Clinton, edhe mbështetësi i tij Barack Obama ka mbajtur një fjalim publik lidhur me rezultatin e zgjedhjeve presidenciale.

“Të lutemi për suksesin e Trump”, është shprehur Obama në një deklaratë nga Shtëpia e Bardhë, deklaratë në të cilën ka vlerësuar punën e Hillary Clinton,

“Jam krenar për Clinton. Ka qenë një sekretare e Shtetit shumë e mirë dhe besoj se do të vazhdojë të punojë për Amerikën. Para se të jemi demokratë apo republikanë jemi të gjithë patriotë. Këtë dëgjova nga Donald Trump dje, këtë dëgjova pasi fola me të dhe kjo është ajo çka vendit tonë i duhet: respekt për institucionet, respekt për ligjin dhe respekt për njëri-tjetrin”, ka thënë Obama.

Ai ka shtuar se humbja është normale në një demokraci, ndaj askush nuk duhet të dekurajohet.

“Pavarësisht fitues apo humbës në këto zgjedhje, ky ishte misioni ynë dhe unë jam krenar për ekipin tim, për gjithçka që ka bërë. Kjo është natyra e fushatës, e demokracisë. Nuk është gjithmonë frymëzuese, por për të rinjtë që kanë mbetur të zhgënjyer unë them se duhet të mbeteni të inkurajuar, të mos jeni cinikë dhe të luftoni për çfarë është e drejtë. Të punojmë që të sigurohemi që presidenti i ardhshëm të ketë sukses”, ka shtuar Obama.