Të dhënat e Organizatës Botërore të Shëndetësisë tregojnë një rritje të rasteve të të prekurve nga fruthi në pothuajse në çdo rajon të botës, me 30% më shumë raste në 2017 se në vitin 2016. Raporti, i organizuar nga Organizata Botërore e Shëndetësisë dhe Qendrat për Kontrollin dhe Parandalimin e Sëmundjeve, shqyrtoi rastet e fruthit gjatë 17 viteve të fundit. Ka pasur një ringjallje të fruthit, ku shumë vende kanë përjetuar shpërthime "të rënda dhe të zgjatura" vitin e kaluar, paralajmëron raporti. Ekspertët thonë se ky është viti i parë që ka pasur një rritje të vazhdueshme të rasteve, me 110,000 vdekje të lidhura me fruthin. Dhe ata janë të shqetësuar se trendet për vitin 2018 janë të ngjashme pasi rastet arritën një nivel të lartë në Evropë gjatë verës. Ekspertët thonë se vetëkënaqësia, shembja e sistemeve shëndetësore dhe përhapja e lajmeve të rremë rreth vaksinës qëndrojnë prapa rritjes. Sipas ekspertëve, vaksina kundër fruthit mund të shpëtojë miliona jetë. Fruthi është një sëmundje shumë ngjitëse që në raste të rënda mund të çojë në komplikime të tilla si verbëria, pneumonia, infeksione dhe probleme të trurit. Dr. Martin Friede, nga OBSH,tha se ishte shqetësuese që në një numër vendesh evropiane prindërit nuk po vaksinonin fëmijët e tyre.