Olta Gixhari do të bëhet nënë për të parën herë. Aktorja është në pritje të ëmbël dhe gjatë gjithë kësaj kohe ka publikuar foto me barkun e rrumbullakosur. Olta është në një lidhje me një shqiptar që jeton prej vitesh në Spanjë. Teksa ka folur për partnerin e saj, Olta ka thënë se ai nuk preferon të bëhet personazh publik. Në një intervistë për “Revista Story”, aktorja u shpreh se ai është shumë i bukur, por se i urren kamerat, videot, fotot dhe jetën e showbiz-it. Së fundmi, Olta ka vendosur të bëjë një ‘përjashtim’ dhe ka publikuar një foto me partnerin. Në këtë foto, ai shihet që është ulur dhe i vesh atletet Oltës pasi barku i saj nuk e lejon të ulet. “Erdhëm tek ky moment”, ka shkruar Olta përbri fotos.