Olti Curri është një ndër personazhet publikë më të ndjekur në rrjetet sociale aty ku është shumë aktiv dhe bën postime thumbuse për personazhe të ndryshëm. Ai shquhet për tipin e tij të drejtpërdrejtë duke i thënë gjërat troç për këdo personazh të njohur dhe këtë herë e ka kapur me Majkun dhe Getoar Selimin.

Para pak ditësh, dyshja e njohur e Babastars publikuan këngën e tyre “Paris Milano”, këngë që flet për jetë luksi, marka të shtrenjta e makina luksoze.

Por Olti ka vënë re një detaj dhe e ka ndarë me ndjekësit e tij në instastory. Ai ka publikuar një foto të Majk dhe Ghetto Geasyt nga klipi dhe ka shkruar: “Kënga flet për jetë luksi Paris-Milano-Berlin-Lugano, edhe klipin shkojnë dhe e xhirojnë në Kotorr”, duke ironizuar kështu ata me këto 3 emoji që ka vendosur.