Opozita greke ka deklaruar se nuk do të votojmë marrëveshjen e Prespës. Kjo deklaratë u bë nga lideri Micotakis gjatë takimit me ministrin e Jashtëm gjerman Heiko Maas, ndërsa shtoi se partia opozitare "Demokracia e Re" nuk do të ratifikojë këtë marrëveshje.

Në të njëjtën kohë opozita greke mbajti dhe një qëndrim për çështjen e kufirit Kosovë-Serbi, ndërsa u shpreh kundër këtyre ndryshime.

“Përsa i përket Kosovës dhe Serbisë, ne nuk jemi pro ndryshimeve të kufijve në rajon. Nuk dëshirojmë akte që mund të sjellin pasoja domino. Nga ana tjetër, urojmë dy shtetet të zgjidhin çështjet, me përgjegjësinë e tyre për mënyrën qe do i zgjidhin (rrugën qe do ndjekin)”, tha Micotakis.