Duke nisur nga dita e enjte e kësaj javë opozita do të përshkallëzojë aksionin duke bllokuar rrugët kombëtare. Mësohet se degët lokale të PD-së janë organizuar dhe që nga dita e nesërme ora 18 deri në 19 do të ketë bllokim të rrugëve, shkruan Newsbomb. Përshallëzimi i aksionit opozitar u vendos dy ditë më parë në mbledhjen e Kolegjit të Kryetarëve.

Për këtë janë organizuar sot disa mbledhje, ku PD-ja e Shkodrës njofton:
Ditën e sotme zhvilluam mbledhjen e rradhës të kryesisë së Partisë Demokratike,dega Shkodër. Në fokus të diskutimeve të kësaj mbledhjeje ishte bllokimi që do të bëhet njëherësh në disa akse kryesore të Shqipërisë, në formë proteste. Kjo protestë do të zhvillohet ditën e enjte në orën 18:00. Do të jemi të gjithë bashkë në hyrje të autostradës në Milot. Kjo është mënyra e vetme për të larguar këtë qeverisje dhe ne nuk kemi në plan të bëjmë asnjë hap pas në rrugën që kemi marrë drejt rrëzimit të saj.