Motrat Vjollca janë ndër moderatoret më të bukura dhe të preferuarat e publikut shqiptar. Prej vitesh i kemi parë në të njëjtin televizion, por ato “ndanë rrugët”. Marina dhe Luana janë shumë të lidhura me njëra-tjetrën dhe këtë e shohim fare mirë edhe në rrjetet sociale ku duken jo vetëm si motra, por edhe si shoqe të ngushta.

Por mesa duket se motrat Vjollca janë si të gjitha të tjerat në përditëshmërinë e tyre. Ato mbajnë edhe ‘’mëri’’ mes njëra-tjetrës. Rasti më i fundit, është publikimi që Luana ka bërë në ‘Instagram’.

Luana quan ordinere me shaka motrën e saj Lirën, e cila ka dalë të darkojë me Marinën. Kështu është krijuar një ‘sherr’ mes motrave, sa i këndshëm dhe real, por që në fund Lira tha që e preferuara e saj është Luana dhe kjo e fundit nuk mund të mos e ndante me ndjekësit e saj këtë gëzim.

Mirëpo foto nuk qëndroi gjatë në profilin e saj në Instagram pasi Luana e fshiu. Mos vallë është ndjerë keq Marina dhe Luana i ka bërë qejfin?