Prej vitesh, Orinda Huta është në një lidhje me ish-anëtarin e grupit “Produkt 28”, Turjan Hyska, i cili ka pasur një rol mjaft të rëndësishëm në jetën dhe karrierën e saj, siç është shprehur më parë këngëtarja. Pas disa vitesh lidhjeje dashurie të shëndetshme, çifti mesa duket e kanë ndarë mendjen ta kurorëzojnë atë me martesë. Ditë e shënuar për ta që nuk do të vonojë shumë. Orinda dhe Turi do t’i japin fund beqarisë më 27.07.2017, të paktën kështu janë shprehur burime pranë çiftit për Revista Who. Çifti simpatik kanë në dispozicion kohën e duhur për ta organizuar më së miri, një ceremoni që përveç se do të jetë në vëmendjen e të gjithëve, do të jetë e paharrueshme për ta. Mezi po presim të shikojmë Turin teksa djeg shaminë, sikundër Orindën e kemi parë me fustan nusërie në sfilatë, dhe duhet ta pranojmë se duket me të vërtetë bukur.