Shifrat tronditëse mbi varfërinë në Shqipëri të publikuara nga EUROSTAT kanë nxitur reagim nga radhët e opozitarëve. Ish-deputeti i LSI-së, Përparim Spahiu, reagoi se Shqipëria vijon të jetë vendi më i varfër dhe me të ardhura më të pakëta për frymë. “Viti 2019 dhe vazhdojmë të jemi vendi më i varfër, me të ardhurat më të pakëta për frymë, ku shpenzimet për ushqime zënë përqindjen më të lartë. Në vitin 2017 shpenzimet mesatare për banorë për bukë dhe drithëra ishin 198 euro, më të lartat historike por dhe në rajon. Konsumi i lartë i bukës dhe brumërave është një shenjë e varfërisë dhe e nivelit të ulët të të ardhurave që siguron një vend. Ky tregues arrin nivelet më të larta në vitet kur qeveris Rilindja, një sekt që ka mbjellë veç korrupsion (normal që ska se si mos jesh i varfër kur paguhen 20 milionë euro për dy km rrugë gjysëm të mbaruar). Dy ngelen rrugët e daljes nga kjo gjëndje, ose mbledhim plaçkat e ikim të gjithë ose ngrihemi dhe rrëzojmë këtë sistem të korruptuar që mendon veç për xhepat e vetë!”, shkruan ai.