Olsi Bylyku, ose siç njihet ndryshe me emrin e personazhit të tij Kimikati ka konfirmuar se nuk do të jetë pjesë e ‘Portokalli’. Duke mos kursyer falenderimet për programin që i hapi dyert, ai ka konfirmuar se tashmë nis një projekt të ri aristik po pa treguar se për çfarë bëhet fjalë. Njoftimin e tij ai e ka dhënë në një postim në Instagram.

Menjëherë pas këtij lajmi filloi të aludohej se Kimikati u largua nga “Top Channel” për të shkuar në ekranin e “Tv Klan” në njërin prej emisioneve të humorit që pritet të nisin aty në sezonin e ri televiziv.

Mirëpo tashmë duket se nuk ka më dyshime dhe Kimikati sapo na konfirmoi indirekt që do t’i bashkohet Besit dhe Erionit në show-n televiziv që ata po përgatiten të shfaqin sezonin e ri, por që ende nuk kanë zbuluar asnjë detaj.

Aktorët e njohur kanë postuar në profilet e tyre një foto ku shfaqen të tre, të cilës i kanë bërë tre përshkrime të ndryshme.

“Rradhën e kanë Dajat. Ja, edhe pak…”, shkruan Besi.

“E mirë mirë… kaq!”, shkruan Erion Isai.