Sindi Loci është njëra nga konkurrentet e “Për’puthen” e cila jo shpesh herë është kritikuar për fjalët e saj. Ajo ka krijuar simpati të veçantë për disa nga çunat e programit, me të cilët thotë se ndjehet mire, e një ndër ta është edhe Loco, me të cilin ka kaluar momente të bukura.

Ajo së fundmi ka vendosur që të bëjë një bisedë me fansat duke i pyetur se “Çfarë do ndryshonit nga vetja nëse do të ishte e mundur?”

Nga pyetjet e shumta që mori, ishte edhe një ‘akuzë’ drejtuar asaj duke i thënë që “Pse s’ma kthe, ishe me Locon në Kosovë?”, një çështje kjo që u bë mjaft virale në rrjet pak ditë më parë.

Nuk mungoi as përgjigja e saj duke shkruar se “Atëherë ta sqaroj njëherë e mirë këtë muhabet se po vlon goxha. Nuk kam qenë me Locon në Kosovë, rastisi që e njëjta fundjavë të na gjente në Kosovë. Unë kam qenë e shoqëruar me familjen time dhe kam shkuar deri në Prizren. Por kaq, me vonë u ktheva”, përfundoi ajo.

Këto dyshime se mos ata të dy kanë qenë bashkë në Kosovë u nxitën si pasojë e fotove që ata publikuan në rrjetet sociale.