Elvana Gjata mbrëmë ka mbajtur koncert me rastin e 11 vjetorit të pavarësisë së Kosovës. Koncerti ishte organizuar nga bashkëshortja e kryeministrit Haradinaj, Anita Muçaj-Haradinaj. Elvana ka kënduar disa prej hiteve të saj dhe publiku u elektrizua nga performanca e saj e magjishme.

Përveç koncertit, Elvana ka dhënë dhe një interivstë për Prive, ku ka rrëfyer emocionet e saj por një detaj i kapur nga bordo.al na bëri përshtypje dhe bëhet fjalë pikërisht për unazën e diamantit që mungonte në gishtin e saj.

Të gjithë e mbajmë mend kur në një intervistë dhënë për “Prive” në muajin korrik 2018 kur fliste për rikthimin e saj në Prishtinë, pas jetesës në SHBA, gazetarit dhe gjithë publikut i ra në sy unaza e diamantit që këngëtarja mbante në gisht. E pyetur për këtë dhuratë luksoze, 32-vjeçarja u përpoq t’i bënte bisht pyetjes duke bërë shaka me përgjigjen klishe që thonë personazhet publikë në intervista që jetën private e kanë të shenjtë dhe duan ta mbajnë private, ndonëse nuk hezitoi të pohonte se gjithçka po i shkonte për mrekulli.

Mos ndoshta heqja e saj tregon se Elvana Gjata mund t’i ketë dhënë fund fejesës së saj me të fejuarin biznesmen pas ngjarjes së rëndë në fillim të tetorit në zonën e ish-bllokut në Tiranë? Ose ishte thjeshtë një zgjedhje profesionale e stilistit Valdrin Sahiti që u kujdes për pamjen e Elvanës.