Tayna është pa asnjë dyshim sensacioni më ri në muzikën shqiptare. Reperja e njohur po korr sukses të madh dhe mori një famë të jashtëzakonshme falë talentit të saj. Këngët e Tayna-s janë shndërruar në refrenin e preferuar të shumë prej nesh.

Ishte kënga “Columbiana” në bashkëpunim me Don Phenom, njëherësh projekti i saj i parë, që e bëri të famshme atë për publikun shqiptar. Më pas vijoi me "Shqipe" edhe tani me këngën e saj më të fundit “FAKE” e cila është kthyer menjëherë në hit.

E siç duket Tayna ka gati këngën e saj të re në të cilën ka zgjedhur të flasë për ndjenjat.

Këtë e bëri të ditur vetë nëpërmjet publikimit të një fotoje në Instastory, pranë së cilës ka zbuluar edhe disa detaje të këngës.

Ajo ka publikuar një frazë të këngës, teksti i së cilës është:

“Hajde e pina njo për dashni, je tu ma thy si qikjo raki se nuk muj unë pa to si pa ty. Bojna sikur so tu ma ni se se meriton ti unë e di.”

Tayna, e cila duket se është frymëzuar nga artistët shqiptarë, duke përfshirë alkoolin si zgjidhje për dashurinë.

Kujtojmë se Ledri Vula solli para disa vitesh këngën “1 gotë për ty”, një baladë ku përfshihet alkooli.

Teksti i këngës së Ledrit:

“Sot pe pi ni got për ty

Masi ty e kohën, s’muj me kthy.

Sot pe pi ni got për ty

Nananana, u kry.”

Ndërsa Era Istrefi pati sukses të madh me projektin “E dehun”, ku në një frazë të tekstit përfshihet alkooli.

Teksti i këngës së Erës:

“Uh ra pam pa pam

Beat-i po ma then

Edhe vena o’ ka m’nxen

Edhe nese ska dashni

At’here ka sa t’dush raki per me pi..