Elvana Gjata është shfaqur pa make-up në postimin e saj më të fundit në Insta. Artistja e shumë hiteve ka bërë publike një video të shkurtër në të cilën duket krejtësisht natyrale. Elvana duket se po shijonte një ditë relaksi në plazh dhe ka ndarë më ndjekësit e saj momentet kur po bënte një zhytje në ujë. Pavarësisht se zhytja është inverse, dhe ajo nuk e tregon veten pasi është lagur, është qartësisht e dukshme se gjithçka e shfaqur është lëkura e “paprekur” e Elvanës. Edhe flokët e lagur tregojnë se ky nuk ishte kontakti i parë që këngëtarja e “Njësoj” po bënte me ujin. Gjithmonë e kuruar deri në detaje, me asnjë fije qerpiku jashtë vendit ku supozohet të jetë, nuk e mbajmë mend se kur ishte hera e fundit që e kemi parë në këtë “version”. Dhe duke gjykuar nga rezultati, nuk jemi të sigurt se kë preferojmë, Elvanën me apo pa tualet.