Pak minuta pas vrasjes së Mirvjen Hysenit dhe Roland Saliut në Vlorë, familjarët e tyre morën vesh për ngjarjen. Kamerat e televizioneve filmuan momentin kur vëllai dhe babai i Roland Saliut u afruan për të identifikuar trupin. Mes britmave të dhimbjes, kanë hyrë në skenën e krimit, të shokuar. Në video shihet vëllai i Roland Saliut që bërtet i tronditur “Kush ishte, kush ishte”.

Vrasja e dyfishtë ka tronditur ditën e djeshme qytetin e Vlorës ku mbetën të vdekur nga një breshëri plumbash kreu i OSHEE, Roland Saliu dhe pronari i një televizioni privat, Mirvjen Hyseni. Mësohet se autorët pas ngjarjes janë larguar më një makinë të cilën e kishin vjedhur 10 ditëve në Durrës , që më vonë u gjet e djegur.
Dëshmitare në këtë ngjarje ka qenë vajza e mitur e e biznesmenit Hyseni, e cila ka shpëtuar fatmirësisht mes plumbave të autorëve por ka parë të gjithë skenën e tmerrshme.
Policia deri tani ka shoqëruar 20 persona dhe po heton në pistën e hakmarrjes.