Nga Devolli i Korçës, kandidati i LSI Edmond Panariti ka biseduar me banorët në lidhje me problematika të ndryshme. Ai u ka thënë fermerëve se synohet që ata të përfitojnë 5 herë më shumë subvencione dhe taksë zero për bujqësinë. Sipas tij kjo do të lehtësojë shitjet e produkteve, pasi shumë herë malli iu mbetet stok. Madje ka theksuar se do të ndihmohen dhe me kredi me interes të ulët. Gjithashtu ai ndali dhe tek prodhimet blegtorale duke sqaruar se nëse LSI vjen në pushtet do të zgjidhe dhe problematikat në lidhje më shitjen e produkteve, pasi e ka të qartë se çmimi i qumështit apo nënprodukteve të tij është i ulët dhe për këtë do të subvencionohen. Ai dha e një këshillë kur tha se konsumatorët duhet të kenë më shumë në konsideratë blerjen e produkteve autoktone.