Të paktën tetë këmbësorë, duke përfshirë edhe disa tifozë të Meksikës që ndjekin Botërorin, u plagosën pasi një taksi u ngjit në një trotuar të mbushur me njerëz në qendër të Moskës. Regjistrimet e CCTV të postuara në mediet sociale treguan daljen e makinës jashtë një radhe trafiku të palëvizshëm që merr shpejtësi dhe godet këmbësorët përpara se të ndalet. Shoferi më pas u arratis, i ndjekur nga disa kalimtarë. Policia e Moskës tha se shoferi ishte një shtetas 28-vjeçar i Kirgistani, i cili është marrë në paraburgim.

Ajo publikoi një video të personit sulmues ndërsa merret në pyetje, në të cilën ai thotë se kishte qenë në timon për më shumë se 20 orë kur ndodhi përplasja dhe se kishte shtypur gabimisht gazin duke i dhënë shpejtësi mjetit. "Doja të frenoja, kam dashur të lejoj dikë të kalojë," thotë ai, me një pamje vërtet të mërzitur. "Unë u ndava për një sekondë dhe e godita .... pastaj pashë njerëzit". Ai tha se ai iku, sepse mendonte se turma e njerëzve "do ta vriste" atë. Por një dëshmitare, e cila ishte në anën tjetër të rrugës në kohën e ngjarjes tha se gjithçka dukej si e planifikuar dhe aspak si aksidentale.
"Unë kam ndjenjën se ai e bëri atë qëllimisht, sepse ai ishte bllokuar në trafik me makinat që ecnin me të vërtetë ngadalë," tha Viktoria Geranovich, "Si mund të humbte kontrollin e timonit, të shtyjë gazin dhe të shkojë te turma?" Ajo tha se kryesisht ishin vajzat ato që u rrëzuan, por njerëzit nxituan të ndihmonin dhe ambulanca arriti shpejt. "Faleminderit zot gjithçka shkoi mirë. Është e frikshme se kjo ndodhi në qendër"-deklaroi Viktoria.