Papa ka zhvendosur qëndrimin e Kishës Katolike mbi dënimin me vdekje, duke e etiketuar atë "të papranueshme" në të gjitha rastet. Në një deklaratë zyrtare, Vatikani tha se dënimi "sulmon" dinjitetin e natyrshëm të të gjithë njerëzve. “Papa ndryshoi katekizmin e kishës, mësimet zyrtare katolike” - tha Vatikani të enjten. Por Vatikani thotë se kisha nuk përjashton përdorimin e dënimit kapital nëse është "e vetmja mënyrë e mundshme për të mbrojtur në mënyrë efektive jetën njerëzore kundër agresorit të padrejtë".
Deklarata zyrtare e Vatikanit
"Opsioni i dënimit me vdekje nga ana e autoritetit të ligjshëm, pas një gjyqi të drejtë, është konsideruar prej kohësh si një përgjigje e përshtatshme ndaj gravitetit të krimeve të caktuara dhe një mjet i pranueshëm, megjithëse ekstrem, për të mbrojtur të mirën e përbashkët.
Sot, megjithatë, ka një vetëdije në rritje se dinjiteti i personit nuk humbet edhe pas kryerjes së krimeve shumë serioze. Përveç kësaj, një kuptim i ri ka dalë nga rëndësia e sanksioneve penale të imponuara nga shteti. Së fundmi, janë zhvilluar sisteme më efektive të paraburgimit, të cilat sigurojnë mbrojtjen e duhur të qytetarëve, por në të njëjtën kohë nuk privojnë përfundimisht fajtorin për mundësinë e shpengimit. Si rrjedhojë, Kisha mëson, në dritën e Ungjillit, se dënimi me vdekje është i papranueshëm sepse është një sulm ndaj pacënueshmërisë dhe dinjitetit të personit', dhe ajo punon me vendosmëri për heqjen e saj në të gjithë botën.

Burimi: Euronews