Prej më shumë se 1 viti ata janë përfolur për një lidhje të mundshme. Mirëpo edhe pse të gjithë shenjat të çonin në një përfundim të vetëm, as Genc Prelvukaj, as Eni Koçi nuk e konfirmuan, derisa këngëtari vendosi ta thyejë akullin i pari.

Këngëtari pranoi në “Op Labi Party” se është në një lidhje me Eni Koçin. Por lajmet se cifti do të bëjë dasmë qarkulluan shumë shpejt. Një ditë më parë, mediat lajmëruan se këtë vit, çifti i njohur i shoëbiz-it, Eni Koçi dhe Genc Prelvukaj do të organizojnë një ceremoni VIP martese, për të kurorëzuar dashurinë e tyre.

Menjëherë pas këtij lajmi ka reaguar vetë këngëtarja, e cila mohon çdo gjë në lidhje me martesën. Me shaka, Eni Koçi shprehet se nëse e organizojnë mediat, ajo mund të vijë bashkë me Gencin në këtë ceremoni. Këngëtarja shton gjithashtu se nuk i ka shumë qejf ceremonitë. Mos do të thotë kjo se nuk do të organizojnë një të tillë?

” Të zotët e punës nuk dinë gjë. Ju po na e organizuat vijmë ne. Por ceremonitë nuk i kemi me shumë qejf”, shkruan Eni.