Deputetë të Parlamentit Europian kanë propozuar që Nobelin për Paqen ta marrin dy kryeministria, ai i Greqisë, Alexis Tsipras dhe ai i Maqedonisë së Veriut, Zoran Zaev. Plot 33 eurodeputetë nga të gjitha formacionet partiake në Parlamentin Europian kanë nënshkruar një propozim ndaj Komisionit të Çmimeve “Nobel”, me anë të të cilit kërkojnë që ky çmim të vij në Ballkan.

Eurodeputetët, midis tyre emra të njohur në Shqipëri, si Eduard Kukan, Tanja Fajon dhe Knut Fleckenstein, deklarojnë se “ky çmim do të inkurajojë vendet e tjera me dallime shumë të ndërlikuara etnike, për të ndjekur shembullin Tsipras -Zaev”.