Vetëm disa muaj para sulmeve terroriste në Paris, vëllezërit Abdeslam janë filmuar duke u argëtuar në një klub nate në Bruksel. “DailyMail” shkruan se, Brahim Abdeslam, vëllai i Salah Abdeslam është filmuar me cigare në dorë duke vallëzuar më një grua bionde, ndërsa vëllai i tij Salah shihet duke qëndruar pranë tij.

Brahim sipas policisë, në sulmin e Parisit hodhi vetën në erë, ku la të vdekur 130 persona në kryeqytetin francez. Videoja e mëposhtme tregon ekstremistët tetë muaj para masakrës në Paris, që me sa duket kanë shijuar jetesën perëndimore që ISIS përbuz.

Salah Abdeslam, i cili mendohet të ketë qenë i përfshirë në logjistikën e sulmit, u kap në fillim të këtij muaji gjatë një kontrolli në Belgjikë në Molenbeek, vetëm pak ditë para se terroristët të vinin në shënjestër aeroportin e Brukselit dhe një stacion metroje ku vdiqën më shumë se 31 njerëz.