Autoritetet gjermane kanë arrestuar një tunizian, si  i dyshuar për përgatitjen e armëve kimike, duke parandaluar kështu një sulm terrorist. 29-vjeçari i identifikuar si Sief Allah H u arrestua në qytetin Këln, pasi në banesën e tij u gjet agjent ricin, thanë zyrtarët e agjencisë vendase të inteligjencës. Shefi i kësaj agjencie, Hans-Georg Maassen, tha se provat e deritashme tregojnë se është penguar një sulm shumë i mundshëm terrorist. Raportohet se i arrestuari ka pasur material të mjaftueshëm në banesën e tij për të prodhuar doza helmuese të ricinit. Prokurorët thanë se i dyshuari  ka patur kontakte me ekstremistët islamikë, por janë duke hetuar nëse  ai ka qenë anëtar i ndonjë organizate terroriste. Autoritetet janë alarmuar për aktivitetet  e Sief Allah H pasi ai ka prorositur 1,000 fara të kërpudhave, të cilat përmbajnë ricin dhe një mulli elektrik në internet.