Partizani ka realizuar goditjen më të madhe në merkato deri tani duke arritur marrëveshjen me sulmuesin Edgar Çani për dy vite.
 
“Është arritur marrëveshja, presim vetëm të firmosim që të zyrtarizohet kontrata”, u shpreh ai menaxheri i futbollistit, Mario Cenolli për “Panorama Sport”.
 
Pas Çanit, Partizani njofton se ka arritur zyrtarisht marrëveshjen me lojtarin e kombëtares së Hungarisë, Kristian Adorian.
 
“Klubi njofton arritjen e marrëveshjes me Kristian Adorian. Mesfushori 24 vjeçar njëkohësisht pjesë edhe e përfaqësueses së Hungarisë do të prezantohet ditën e enjte’ thuhet në njoftimin e klubit të Partizanit.