Te Partizani do të vijë një tjetër futbollist. Burime brënda klubit bëjnë me dije, se te kryeqytetasit pritet që të firmosi dhe një 24 vjeçar brazilian.

Warley Gleyson Dos Santos Alves është mesfushor qëndror dhe gjuan me të djathtën, ndërkohë që këtë vit ai nuk ka luajtur në asnjë skuadër profesioniste. Në 2016, mesfushori luajti fillimisht për Botafogo Pb dhe më pas u transferua te Madureira në Serinë D braziliane.

Para shumë vitesh 24 vjeçari ka qënë edhe pjesë e kombëtares u-17 të Brazilit, por që atëherë Alves nuk është se ka patur ndonjë karriere ”të shkëlqyer”.
Nuk dihet ende nëse Warley do të jetë në provë te Partizani apo do të firmosë, pasi klubi nuk ka dhënë shumë informacion për këtë gjë.