Partizani do të presë ditën e diel në stadiumin “Elbasan Arena” ne ora 17:00 Skënderbeun kampionin ne fuqi. Një super-sfidë që vë përballë dy kryesuesit e Superiores. Partizani e di mirë se një fitore do t’i jepte për herë të parë kryesimin e kampionatit dhe pavarësisht se sezoni është i gjatë deri në përfundimin e tij do të ishte dhe një tregues force ndaj rivalëve.

E njëjta gjë vlen dhe për Skënderbeun që me një fitore do të mundësonte një tjetër shkëputje ndaj rivalit. Perballja e se dieles pavarësisht se jemi ende në fillim të kampionatit nuk pritet të ndryshojë shumë duke na propozuar jo vetëm një ndeshje kartolinë për Superioren por dhe një 90 minutësh ku emocionet nuk mungojnë asnjëherë, mbi të gjitha mes protagonistëve.

Mentor Mazrekaj i është bashkuar grupit pas një mungesë të gjatë për arsye dëmtimi dhe vështirë se do të ketë minuta në këmbë në supersfidën me Skënderbeun. E gjithë pjesa tjetër e skuadrës ka qenë nën urdhrat e Starovës, madje edhe Gëzim Krasniqi, që duket se e ka lënë pas dëmtimin e pësuar fundjavën e shkuar. Qendërmbrojtësi pritet të rikthehet titullar në krah të Atandës, në një pozicion ku alternativë e besueshme mbetet edhe Renato Malota.

Përsa i përket formacionit që do të luajë ndaj kampionëve në fuqi të Superiores nuk pritet të do të ketë ndryshime, me Starovën që u beson emrave që siguruan tre fitore radhazit në ndeshjet e fundit.