Pas 1 korrikut pasaportave biometrike të personave nën 16 vjeç iu përfundon vlefshmëria. E bëhet fjalë për ato të lëshuara në periudhën Prill 2009 – Korrik 2010, pasi afati këtyre pasaportave nuk është 10 vjet si i të tjerave, por vetëm 5 vjet.
Pra problem në këto pasaporta është pasaktësia  e shënuar në lidhje me vlefshmërinë e tyre dhe Ministria e Brendshme fton qytetarët, të cilët kanë hasur këtë problematikë, të aplikojnë sa më shpejt për pasaportat e reja duke shmangur rradhët në ditët e verës, ku shtohet fluksi për shkak të ardhjes së emigrantëve.
Sipas Ministrisë së Brendshme afati 5-vjeçar i vlefshmërisë së pasaportave biometrike për fëmijët 0 -16 vjeç është një standard i njohur ndërkombëtar, për shkak të ndryshimit në kohë të karakteristikave fizike të shtetasve të kësaj moshe.

Nga periudha Prill 2009 – Korrik 2010, për shtetasit shqiptarë nën moshën 16 vjeç në momentin e aplikimit, janë lëshuar rreth 156 mijë pasaporta.