Me siguri të gjithëve ju kujtohet kënga e Elvana Gjatës “Off Guard” që erdhi në bashkëpunim me reperin e famshëm Ty Dolla Sign. Ky i fundit u arrestua para disa javësh pasi është përfshirë në rrjetin e drogës. Ndërkohë që së fundmi sajti i njohur TMZ ka bërë me dije se reperi do të përballet me tre akuza të rënda, të cilat janë: posedimi i kokainës, posedimi i tetrahidrokanabidolit dhe kanabisit. Nëse gjykata vendos ta shpallë fajtor, ai do të dënohet me 15 vite burg. Arrestimi i tij u realizua nga policët në Atlanta, të cilët gjetën drogë në çantën e tij.