Ishin një ndër çiftet më të përfolur brenda shtëpisë së Big Brother dhe shumë të komentuar ishin edhe jashtë saj. Pas përjashtimit nga BB9, marrëdhënia e tyre ka qenë shumë misterioze pasi njëherë dukeshin shumë të afërt, njëherë tjetër flisnin me “kunja” në rrjetet sociale, por gjithçka mori kuptim kur Damiano u pa në një drekë me Armelën dhe mamanë e saj duke treguar kështu se gjërat midis tyre janë mirë dhe kanë mbetur shokë. Damiano ka lajmëruar prej kohësh se po punonte për një projekt muzikor, projekt i cili u bë dhe “mollë sherri” për ta e u publikua ditën e djeshme. Damiano ka marrë menjëherë mbështetjen e ish-partneres, Armelës e cila ka postuar këngën e Damianos duke shkruar: "Urime. Ja dole".