Gjermania është eliminuar në mënyrë të turpshme nga Koreja e Jugut. Kampionët në fuqi kanë prekur një fund historik, pasi asnjëherë në historinë e saj nuk është eliminuar në fazën e grupeve të një Botërori. Lënia jashtë e Sane, duket se ka rënduar mbi teknikun gjerman, i cili tashmë duhet të vuajë pasojat e eliminimit nga grupet, por ka marrë përgjegjësitë e eliminimit, ama ka mërzitur tifozët gjërmanë pasi u shpreh se Gjermania e meritonte eliminimin.

Ja fjalët e Low në intervistën pas ndeshjes.

“Ishte shumë e vështirë të zhbllokonim rezultatin. Nuk ia dolëm. Është e vështirë të thuhet pse kemi luajtur ashtu. Na ka munguar përqendrimi, vetëbesimi dhe siguria për të kryer kombinimet tona.

E meritonim eliminimin. Edhe në dy ndeshjet e mëparshme, si ndaj Meksikës ashtu edhe ndaj Suedisë nuk luajtëm me dinamikën e duhur duke bërë shumë gabime.

Sot krijuam shumë por nuk finalizuam, ndoshta na ka munguar edhe pak fati. Është shumë e vështirë të fitosh dy herë radhazi Kupën e Botës. Kur morëm vesh se Suedia kishte kaluar në avantazh, dolëm përpara për të provuar gjithçka dhe rrezikuam gjithçka por nuk ia dolëm.

Duhet ta analizojmë pse ndodhi. Por unë marr të gjitha përgjegjësitë”, u shpreh Low.