Metropoli i shqiptarëve, i cili çdo ditë e më shumë po ndryshon infrastrukturë duke marrë pamje si ato të metropoleve më të bukura në Europë, do të ketë mu në zemër të Tiranës, “Music Hallin” e tij, për të argëtuar qytetarët.

Publiku i kryeqyetit më në fund do ketë mundësinë për të zgjedhur një shfaqje artistike, muzikore, sipas zhanrit që i pëlqen, jazz, rock, blues, pop, prej grupeve e instrumentistëve të njohur të Europës e më gjerë, tanimë kjo e aritur duke shmangur zgjedhjen për të ndjekur një grup muzikor dhe duke shmangur pagesat e faturave të shtrenjta në lokale.

 Duke se çdo gjë është gati dhe pritet që në mbrëmjet e 2 dhe 3 shkurtit, rreth orës 20.30 të mbrëmjes, për publikun të luajë OCEANA, këngëtarja gjermane e rrymave soul, pop, R&B, reggae e dance pop, me një karrierë që nisi që në adoleshencën e saj në vitin 1997.

Pas performancës në rolin e Aidës, në musical-in “Aida” të Tom Rice e Elton John, ishte edhe vokalistja kryesore në versionin musical të “Dirty Dancing”. 

Prej 2008-ës, udhëhoqi veten si këngëtare dhe kompozitore, duke nisur me hitin “Cry cry”, pjesë e albumit të parë “Love supply”, e cila qëndroi për disa javë në krye të klasifikimeve europiane, ç’ka i dhanë mundësinë pë t’u bërë pjesë e show-ve të mëdhenj të gjigandëve mediatikë në mbarë Europën.

  U zgjodh nga UEFA, për të ndjekur Nelly Furtadon-n në vitin 2004 dhe Enrique Iglesian në 2008-ën, në ceremoninë e çeljes së eventit më të rëndësishëm futbollistik të Europës.

Tirana e pret në mbrëmjet e fillimin shkurtit, në datat 2 dhe 3 sëbashku me bandën “Texas Flood”  nga Beogradi, një tribute-band i Steve Ray Vaughen, nga albumi i parë i të cilit, kanë marrë edhe emrin.