Karvanit të mbylljes së karrierës në muzikë i është bashkëngjitur sot një tjetër emër. Bëhet fjalë për këngëtarin nga Kosova, Noga.
Ndonëse artisti nuk e ka pasur muzikën në plan të parë, ai herë pas here ka sjellë projekte të reja muzikore, me emra të njohur si Lyrical Son apo Mc Kresha. Përmes një fotoje ku shihet krah Sabri Fejzullahut, Noga ka njoftuar se po tërhiqet përfundimisht nga muzika. Shkak për këtë ai ka renditur disa arsye si: familja, shkollimi dhe bizneset personale.
Kujtojmë që brenda pak javësh, disa emra kanë dhënë dorëheqjen nga muzika. Përmendim këtu reperin nga Kosova Nushi, Alban Ramosaj e Fero.