Ministri i Jashtëm, Ditmir Bushati ka dërguar kërkesën te Presidenti i Republikës, Ilir Meta për lëshimin e plotfuqishmërisënga presidenti për negociatorët që do të negociojnë me Greqinë për çështjet e lëna pezull.
Pas kësaj kërkese, Meta priti në zyrë ish-presidentët, Bujar Nishani, Bamir Topi, Rexhep Meidani, Alfred Moisiu dhe Sali Berisha për t’u konsultuar në lidhje me këtë çështje të rëndësishme.

Ndërsa, mbrëmjen e djeshme presidenti Meta ka pasur një takim me ish-ministren e Mbrojtjes, Mimi Kodhelin, ndërkohë që ditën e sotme ka zhvilluar një takim me ish-ministrin e Jashtëm dhe njëkohësisht N/Kryetarin aktual të Komisionit për Politikat e Punëve të Jashtme, Tritan Shehu.

Pas takimit, Shehu u shpreh se pala shqiptare mban të fshehtë marrëveshjet me Greqinë, ndërsa theksoi se nga ana tjetër ministri i Jashtëm grek deklaron se marrëveshjet me Shqipërinë janë arritur.