Këtë herë ka qenë Sara Hoxha ajo që është frymëzuar nga lajmet që po qarkullojnë së fundmi nga ylli i reality show-t.  Kanë kaluar vetëm 4 muaj që kur trashëgimtarja e Top Channel ka sjellë në jetë fëmijën e saj të parë, London Noor.

Edhe pse menjëherë pas lindjes ka nisur palestrën për të rikthyer format trupore, sërish nuk e ka aspak problem ta shfaqë trupin me shenjat që i ka lënë shtatzënia.

“4 muaj pas lindjes, me strijat, shenjat dhe gjithçka tjetër. Stop ardhjes turp nga trupi,”-shkruan Sara.

Kujtojmë që të njëjtën gjë bëri edhe Kim Kardashian pasi iu publikuan fotot e fundit me bikini nga pushimet në Meksikë ku shfaqej gjithë celulit. Dhe kritikave iu përgjigj me disa foto të ngjashme duke thënë se ndihet mirë më trupin e saj dhe se të gjitha femrat kanë celulit.