Janë publikuar fotot e tre personave të shpallur në kërkim nga policia e Tiranës, për ngjarjen e rëndë të ndodhur mbrëmjen e djeshme në zonën e ish-Bllokut. Mes tyre është edhe i dashuri i Elvana Gjatës, Ervin Mata, 31-vjeç. Identiteti i tij është mbajtur i fshehtë gjithë këtë kohë pasi ai ka qenë i fejuari i këngëtares Elvana Gjata prej dy vitesh tashmë. Mata është pronar i një hoteli të njohur në kryeqytet dhe zotëron disa biznese.

Këngëtarja e njohur Elvana Gjata sipas të dhënave të policisë është bërë “mollë sherri” për përleshjen e dy grupeve në zonën e ish-blloku mbrëmjen e djeshme.
Elvana Gjata u thirr për të dëshmuar ditën e sotme në polici, ku qëndroi për rreth 20 minuta dhe u tha që ishte në gjendje të rënduar psikologjike.

Pas kësaj ngjarje një tjetër episod ka ndodhur me këngëtaren e famshme, ku në profilin e saj të instagramit kanë shpërthyer dhjetra komente ofenduese në lidhje me vrasjen e mbrëmshme.

Madje shumë ishin komentet ku e quanin këngëtaren vrasëse dhe komente nga më negative, por vlen të thuhet se edhe shumë të tjerë mbajtën anën e Gjatës. Por këto komente tashmë nuk gjenden më pasi vetë Elvana ka reaguar nëpërmjet Instagram-it të saj duke mbyllur çdo koment, ku kishte mbi 500 komente, por tani nuk gjenden më dhe është e drejta e Elvanës të bënte këtë reagim, pasi këto komente nuk e ndihmonin por përkundrazi./intv.al/