Pas largimit të Xhani De Biazit nga Kombëtarja e Shqipërisë, drejtuesit e federatës kanë filluar punën për të gjetur zëvëndësin e tij. Ditën e sotme kreu i FSHF, Armand Duka ka dhënë një prononcim për Top-Channel ku zbuloi dëshirën që ai ka për pasuesin e De Biazit në krye të pankinës kuqezi.

Duka u shpreh se dëshiron që të jetë një tjetër italian ai që të zëvëndësojë De Biazin, ku deklaroi:

“Kanë mjaftuar 24 orë nga zyrtarizimi i shkëputjes së marrëdhënieve dhe kanë qenë dhjetëra, apo qindra mesazhe që më kanë mbushur telefonin. Personalisht po kërkoj një trajner italian”, ka përfunduar ai.