Prej disa ditësh, të gjithë po flasin për luftën e hapur muzikore mes Eminem dhe Machine Gun Kelly. Ata po sulmojnë njëri-tjetrin duke lançuar ‘diss’-e muzikore njëri pas tjetrit. Para pak ditësh Eminem ka vendosur t’i përgjigjet këngës “Rap Devil” të Machine Gun Kelly me një projekt të quajtur “Killshot” këngë kjo që theu rekordet e YouTube.

Por së fundmi Eminem është ofenduar edhe nga reperi i njohur shqiptar Buta. I ftuar sot në radio “Prishtina” për të folur për projektin e tij të sapopublikuar ai u pyet edhe për zgjedhjen mes reperëve të famshëm Eminem dhe Machine Gun Kelly, por ai u përgjigj se për të janë që të dy plehra.

“Eminem është një plehrë, ka qënë dhe do të vazhdojë të jetë. Ndërsa ai tjetri është akoma më plehrë. Nuk zgjedh asnjërin” – tha Buta.

Ndoshta mendimi im nuk vlen, e di që shumë njerëz kanë shprehjen ‘shqiptarët mos i prek në fe dhe Eminem’, e di që shumë njerëz do nervozohen po mua nuk më intereson” – shtoi më tej reperi shqiptar, i cili më pas ka postuar një seri fotosh ironike në instagram.