Kanë kaluar disa muaj tashmë që kur modelja shkodrane, Erjona Sulejmani dhe mesfushori nga Tetova Blerim Xhemajli, vendosën t’i japin fund martesës së tyre, ndërsa tashmë gjithsecili vijon jetën e tij. Erjona bëhet shpesh herë pjesë e lajmeve rozë dhe kjo për faktin që ka marrë pjesë në spektaklin “Temptation Island Vip”, [pr edhe prej deklaratave në rrjetet sociale.

Pak ditë më parë, Erjona Sulejmani trazoi rrjetin me një përgjigje në lidhje me presidentin e Interit, Steven Zhang. Kur ajo u pyet nga fansat, përgjigjia e saj ishte misterioze. Megjithatë, modelja ka vendosur të sqarojë situatën.

“Ta bëjmë të qartë, fakti që bëj tifo për Interin që 10 vjeç nuk do të thotë asgjë tjetër. Për të tjerat, nuk e di me të vërtetë nga rrjedhin këto lajme”, shprehet Sulejmani, duke hedhur poshtë të gjitha aludimet.