Lidhja e Morena Tarakut me miliarderin Iranian, Sasha Sobhani bëri aq zhurmë sa edhe ndarja e tyre. Dyshja nuk u nda aspak mirë sepse më pas nuk i kursenin ironitë ndaj njëri-tjetrit nëpër postime. Së fundmi Sashan e kemi parë në Shqipëri dhe u ka treguar ndjekësve të tij simpatinë për këngëtaret e njohura shqiptare si Tayna dhe Dhurata Dora. Mirëpo Morena nuk është se e ka përjetuar keq ndarjen dhe kjo duket fare mirë në postimet e saj në rrjetet sociale ku shfaqet shumë e lumtur. Madje ajo na ka treguar edhe gjysëm e saj më të mirë dhe bëhet fjalë për nënën e saj e cila do të festonte ditëlindjen, por fatkeqësisht është ndarë nga jeta vite më parë.

Këngëtarja ka publikuar në Instastory një foto ku shfaq gjysmën e fytyrës së saj dhe gjysmën e fytyrës së nënës së saj.

“Gëzuar ditëlindjen gjysma ime, mami”, shkruan Morena krahas fotos ku vihet re se ajo është kopje identike e së ëmës.