Prej disa muajsh është përfolur për një krizë të mundshme në marrëdhënien e tyre dhe tashmë zyrtarisht Robert Berisha ka njoftuar se ai dhe Nora Istrefi janë ndarë.

Këtë lajm të rëndësishëm për çfitin në fjalë e njoftoi vetë Roberti nëpërmjet një postimi në llogarinë e tij të Instagramit ku u shpreh se ata nuk janë më bashkë, por gjithë jetën do jenë mami dhe babi i Renee.

Fansat e tyre janë shfaqur të mërzitur nga ky lajm por sërish nuk kanë nguruar t'iu urojnë më të mirën të dyve. Përveç komenteve nga fansat, në postimin e Robertit kanë komentuar po ashtu një pjesë e VIP-ave të showbizit.

Mes shumë komenteve vëmendjen më të madhe e mori komenti i këngëtares së njohur, Bleona Qereti. Bleona iu ka uruar fat dhe po ashtu ka bërë të ditur që e ndjen dhimbjen e tyre, por beson që të dy do e kalojnë.

“Fat të mirë për të dy. Nga të gjithë njerëzit unë ndjej dhimbjen tuaj dhe atë që po kaloni. Do ta kapërceni këtë. Ju dua të dyve”- ka shkruar Bleona.